Gure helburua da erosketa esperientziarik onena eskaintzen duten supermerkatuen enpresa izatea. Helburu hori lortzeko, funtsezkoa da gure profesionalak ondo egotea. Horregatik, Uvesco Taldeak erabateko konpromisoa du Erakunde Ongizatearekin, eta horrek, jakina, gure profesionalen ongizatea barne hartzen du, 3. Garapen Iraunkorreko Helburuaren ildotik (pertsonen osasuna eta ongizatea). Horretarako, ahalegin sistematikoak, planifikatuak eta proaktiboak egiten ditugu, alde batetik prozesuak eta emaitzak hobetzea bilatzen dutenak -bai langileena, bai erakundearena, bai guztiarena-, eta, bestetik, baliabide eta praktika osasungarriak sustatzen ditugu, lan giroa hobetzera bideratuak, zereginen mailan, pertsonen artean eta erakunde mailan. Azken batean, ahalegin horiek lanpostu osasungarriak izatera, gure enplegatuen osasuna optimizatzera eta ongizatea eta konpromisoa sustatzera bideratuta daude.

Enpleguaren egonkortasuna, gure zutabeetako bat

6.176 pertsonako plantilla dugu (2023ko ekitaldiaren amaieran), eta kalitatezko enplegua eskaintzeko konpromisoa dugu, egonkortasuna sustatu, talentua aitortu, lan harremanak hobetu eta plantillarentzat ongizate inguruneak garatzea bilatzen duten politiken bitartez. Kontratu egonkorren alde egiten dugu, sektoreko batez bestekoaren gainetik dauden lan baldintzen alde -gauden eremu guztietan-, eta gure kontziliazio neurriak sustatzearen alde. Horrek guztiak laguntzen digu talentua erakartzen eta pertsonak, gaur egun Taldea osatzen dugun pertsona guztiak, zaintzen.

EMAKUMEEN PRESENTZIA

Plantillari dagokionez, plantilla osoaren %69 emakumeak dira; beraz, gure enpresa nagusiki femeninoa da. Taldeak duen erronketako bat da erantzukizuneko postuetan emakumeen presentzia handiagoa izatea sustatzen jarraitzea. 2023ko ekitaldia ixtean, erantzukizuneko lanpostuen %69 (zuzendaritza, gerentzia eta arloko arduradunak, dendako arduradunak eta horien laguntzaileak) emakumeek betetzen zituzten. Dendetako erantzukizun postuak aztertzen baditugu, emakumeek postu horien %72 betetzen zituzten.

Ahalegin horien ondorioz, 2023ko ekitaldia ixtean, arduradun laguntzaileen postuen %81 emakumeek betetzen zituzten, eta, etorkizunean, emakume horiek dendako arduradunen postuak eskuratu ahal izango dituzte.

Lana eta bizitza pribatua kontziliatzearen alde egitea eta berdintasuna sustatzea

Erantzukizun Plan Estrategikoaren barruan, eta Erakundeko Ongizatea lortzea ahalbidetuko diguten neurri eta praktika osasungarriak sustatzeko dugun konpromisoaren barruan, funtsezkoak dira lanaren eta bizitza pribatuaren arteko kontziliazioa hobetu eta bultzatuko duten eta pertsonen berdintasuna sustatuko duten baliabideak.

Kontziliazioaren alde egiten dugu, plantillaren ongizate sozialaren funtsezko puntua den heinean. Bizitza osoa izateak -arlo pertsonalean zein profesionalean- eta bizitzaren bi alderdi horiek uztartu ahal izateak erakundearekiko gogobetetasuna hobetzen eta plantillaren ongizate mailak handitzen laguntzen dute.

Urteak daramatzagu kontziliazioarekin lotura duten lan baldintzak hobetzeko ahaleginetan. Aplikatzen ditugun neurrien artean bereizi egiten dira zentraletako langileentzat direnak, dendetako langileentzat direnak eta langile guztientzat direnak.

DESKONEXIO DIGITALERAKO PROTOKOLOA

Gainera, 2023ko azarotik, deskonexio digitalerako protokolo bat dugu. Neurri horrek deskonexio digitalerako eskubidea ez ezik jardunbide egokien eta gomendioen zerrenda zehatza ere jasotzen du.

Protokolo horren bidez, pertsona guztiei atsedena bermatu nahi zaie, eta deskonexio digitalerako eskubidea aitortu, behin lanaldia amaituta. Deskonexio digitalerako jarraibideak eta gomendioak Taldearen beste politika batzuekin lerrokatzen dira -horiek guztiak plantillaren osasuna, ongizatea eta garapen profesionala hobetzeko helburuarekin-.

ANIZTASUNA ETA DESGAITASUNA DUTEN PERTSONAK

Uvesco Taldean, beti egiten dugu desgaitasuna duten pertsonak eta ahultasun egoeran daudenak gizarteratzearen alde, enpatia, ulermen eta laguntza inguruneak sustatuz.

Desgaitasuna duten pertsonen integrazioa erakunde eta fundazio espezializatuen bidez kudeatzen da, eta horiek kolektibo hori gure supermerkatuetan eta zentraletan sartzen eta integratzen laguntzen dute.

Adibidez, Gipuzkoan, Gureakekin lan bat egin da, eta bertan enplegu arduradunek lanpostuak aztertu dituzte, ikasgelan ikasleen prestakuntza hobeto definitu ahal izateko. Ezagutza horrekin, hainbat posizio bete ditzaketen pertsonak proposatzen dituzte -batez ere, salako profesionalak-.

Hasieran, praktiketako kontratu baten bidez sartzen dira, fundazio horiek gizarteratzeko dituzten programen esparruan. Bilakaera egokia bada, lan kontratu bat egiten zaie.

Ekitaldiaren itxieran, desgaitasuna duten enplegatuen kopurua 66 pertsonakoa zen.

Prebentzioaren kudeaketa eta prebentzioko plan orokorra

Funtsezko betekizunak, baliabideak eta tresnak laneko arriskuen prebentzioa (LAP) kudeatzeko plan orokor batean definituta daude. Dokumentu hori barneko araudiaren parte da, eta laneko arriskuen prebentzioaren arloko gainerako barneko prozedurak biltzen ditu. 2023ko ekitaldian, enpresa guztientzako prebentzio plan orokorrak eguneratu dira, indarrean dauden araudi berrietara egokituta. Prebentzioaren antolaketa ereduaren osagarri gisa, eta prebentzioaren jarduera enpresaren barruan eta produkzio prozesuetan integratzen laguntzeko, laneko segurtasun eta osasuneko koordinatzaile bat definitu da.

SEGURTASUNERAKO ETA OSASUNERAKO ARRISKUEN EBALUAZIOAK

Plantillaren osasunerako eta segurtasunerako arriskuen ebaluazioak ditugu, Taldearen kokaleku guztietan, prebentzio ekintzen definizioa eta jarraipena barnean hartuta. Ekintza horiek guztiak funtsezkoak dira prebentzioa kudeatzeko, eta aldian-aldian berrikusi eta eguneratzen dira.

OSASUNAREN ETA ONGIZATEAREN ZAINTZA ETA BEHAKETA

Osasunaren zaintzarekin lotutako jarduera guztien azken helburua da Uvesco Taldeak erakunde osasungarri izaten jarraitzea, plantillaren ongizate mailak handitzeko.

SPAekin, plantillari osasunaren zaintza bermatzen diogu, bai hasieran, bai aldizka, eta lanpostuz aldatzen direnei, haurdun dauden langileei edo iraupen luzeko baja baten ondoren lanean hasten direnei ere bermatzen diegu zaintza hori (lanpostuari berez dagozkion arriskuen arabera).

Informazio eta komunikazio egokia bultzatzen

Informazio eta komunikazio egokia bultzatzen dugu, bai erakundetik pertsonengana (aldizkariak, buletinak, etab.), bai alderantziz, pertsonengandik erakundera (iradokizunen postontziak, pertsonen ordezkariak…).

Alde batetik, gure liderren bidez (taldeak kudeatzen dituzten pertsonak) komunikazio eta informazio zeregin bat garatzen dugu, ongizatea sustatzearen onurak ulertzen laguntzeko, erakunde mailan, euren buruarentzat, beren taldeentzat eta beren emaitzentzat, eta, horrenbestez, erakundearen emaitzentzat.

Bestalde, lidergoa gure komunikazio ardatzetako bat den arren, ez da bakarra. Horregatik, norbanakoaren erantzukizuna ere eskatzen dugu. Eta hori egiteko, beharrezkoa da informazioa eta tresnak ematea, erakundeko gainerako profesionalei ongizatea eta dauzkan onurak ulertzen laguntzeko. Hauek dira Uvescon ditugun tresnak:

Konpetentziak eta trebetasunak garatzeko praktikak

Prestakuntzaren, garapenaren eta barneko sustapenaren ardatza da erakundearen misioa betetzeko funtsezko baliabideetako bat, eta misioa hau da: “Uvesco Taldeak profesionalik hoberenak izatea eragitea, euren lan jardunaren bitartez erosketa esperientziarik onena lortzen duten profesionalak izatea eragitea, ikuspegi partekatu bat eraikita, erakundearen asmoarekin lerrokatuta”. Horretarako, erakundearen ongizatean jartzen da fokua, eta barneko gaitasunei estimazioz begiratzen zaie, proposatutako erronka lortzeko.

Alde batetik, prestakuntza eta garapen arloak bilatzen du pertsonek baliabideak eskuragarri izatea, beren lana modu arinean eta trebetaunez egiten jakiteko moduan gauzatuta, hasieratik. Eta, bestetik, garapen profesionalerako aukerak eskaintzen saiatzen da, eta erakundea behar eta erronka berrietara egokitzen eta eskaera berriei aurrea hartzen.

Prestakuntza langileen bizitza osoan zehar presente dago enpresan, pertsonen garapenean laguntzeko bitartekoa baita, eta, beraz, bezeroek hautematen duten erosketa esperientzian ere laguntzen dugu.

Uvesco Taldeak bere langile berrien zein jada dituen langile finkoen ezagutzak hobetzeko eta eguneratzeko dituen prestakuntza planetan egiten duen ahalegina urtez urte egiten dun inbertsioan islatzen da. 2023an, 5.231.458 € inbertitu du guztira, eta pertsonako batez besteko gastua 903,67 €-koa izan da.

Langile berrientzako integrazioa eta egokitzapena

PKarrera garatzeko eta sustatzeko aukera eskaintzen duten praktikak

Barne sustapeneko programa dugu, Harrobi Plana izenekoa. Plan horren helburua da posizio estrategikoak beteko direla ziurtatzea, epe ertain eta luzera, erakundearen barruan garapen profesionalerako aukerak emanez parte hartzaileei. Programa honetara aurkeztu ahal izateko, onarpen baldintza batzuk bete behar dira.

2023an, erakundeko 800 pertsonak baino gehiagok erantzukizun handiagoko funtzioak hartu dituzte, eta, beste urte batez, gure helburua betetzera iritsi gara, hau da, erakunde barruko erantzukizuneko posizioen %90 barneko profesionalekin betetzea.

Langileen ohitura osasungarrien garapena sustatzea

Langileek ohitura osasungarriak izan ditzaten sustatzen duten jardunak (gorputz jarrera zaintzea, elikadura ohiturak, jarduera fisikoa…).

Betiere gure profesionalen ongizatea elikatzera bideratuta, Uvesco Taldeak helburu hori lortzen laguntzen diguten programak ezarri ditu azken hilabeteetan: