Gure oinarrietako bat tokiko produktuarekiko konpromisoa da, eta sendo lotuta dago gure gizarte eta lurralderako balio positiboak dituen kalitatezko produktu bat eskaintzeko dugun bokazioarekin.

Tokiko produktuak eskaintzeko dugun helburuak gure hornitzaileekin lankidetza, koordinazio eta harreman estua izatera garamatza, produktuaren eta elaborazio lanaren atzean dauden historia eta pertsonen gaineko ezagutza sakona izateko. Hornitzaileengandik oso hurbil gaude, gure balio katean funtsezkoak baitira, eta horrek lehen sektorearen eta landa eremuaren errealitate konplexua ezagutzeko aukera ematen digu, baita sektorearen kontserbazioa eta garapena errazteko laguntza eta tresnak emateko aukera ere.

Tokiko hornitzaileei egindako erosketak

Lehen sektoreari laguntzeko erantzukizuna dugu, eta baita elikadura osasungarriaren balioak sustatzekoa ere. Hori dela eta, urteetan, hainbat aliantza eta akordio inatu ditugu saltokiak ditugun inguruetako ekoizleekin, horiek zuzeneko eragina baitute sektore horretako garapen ekonomikoan.. Batetik, nekazaritza eta abeltzaintza sektorearekin egin ditugu akordioak, gure dendetatik hurbil dauden produktuak salerosteko, eta, bestetik, Kantauriko arrantza kofradiekin, egunero lonjetako arraina merkaturatzeko.

Zuzeneko akordioak ditugu laurehun nekazari, abeltzain eta egile txiki baino gehiagorekin, zeinek inguruko saltokietan banatzen baitituzte beren produktuak -batzuek egunero eta modu zuzenean-.

Kalitate goreneko arrainak

Uvesco Taldearen kokapen estrategikoari esker, hau da, Kantauri itsasoaren ondoko eremu naturalari esker, oso harreman sakona daukagu ontziekin, lonjekin, arrantzaleekin eta Kantauri itsasoarekin, eta, hedaduraz, lehen mailako arrainak eskura ditzakegu. Hala, eguneroko harremana dugu Kantauriko portu nagusiekin: Hondarribia, Ondarroa, Bermeo, Santander, Santoña, Laredo, Castro Urdiales eta San Vicente de la Barquera. Horrek guztiak aukera ematen digu aberastasun natural eta iraunkorreko iturri bat edukitzeko, lonja horien jarduera ekonomikoa sustatzeko, eta kalitate goreneko produktua bermatzeko saltoki guztietako arrandegietan.

Halaber, 2014. urtetik, Lehen Sektorea Sustatzeko eta Euskadiko Landa eta Itsasertza Biziberritzeko Eusko Jaurlaritzaren “Nirea” konpromisoari atxikita dago Taldea.

Bestalde, Madrilgo saltoki gehienetan -Taldeak beste lurralde batzuetan duen joerarekin bat-, sasoiko barazki freskoen zuzeneko zerbitzuaren eredua ezarri da.

Elikadura, osasuna eta ongizatea direla-eta gero eta kezka handiagoa duten herritarrei erantzunez

Gure eredua, kalitatezko produktuetara bideratuta dagoena, non produktu freskoak garrantzi handia duen, elikadura, osasuna eta ongizatea dela-eta gero eta kezka handiagoa duten herritarrei zuzenduta dago.

Horrenbestez, elikadura osasungarriaren aldeko apustuaren bitartez eta premium aukera eskaintzeko duen konpromisoarekin betetzen du pertsonen bizi kalitatea hobetzen laguntzeko helburu nagusia, eskaintzekin eta produktuekin elikadura beharrak erabat eta berme guztiekin asetzeko.

Jatorririk onena duen produktua, ekoizlerik onenek mandakoa

Kalitatezko elikagaiak

Bio/Eko produktuen kategoria gorantz doan kontsumo joera bat da, eta 600 erreferentziarekin sustatzen dugu, bezeroak hautatzeko duen ahalmena sustatzeko konpromisoan sakontzeko, eskaintza berezitu eta berritzaile batekin, zeinak komunitatearen ongizatean ere eragiten baitu, kalitatezko produktuak direlako. Halaber, bat dator kontsumitzailearen egungo premiekin, gero eta kezkatuago baitago bere osasunarekin eta ongizatearekin, eta produktuen kalitatea eskatzen eta balioesten baitu, azukre gutxi edo osagai naturalagoak dituztelako.

Kalitatezko elikaduran pauso bat harago ematea izan da supermerkatu batzuetan “Sukaldaritza Aparta” atal berriak sartzea (kontsumitzeko prest dauden plater beroak), momentua bertan haragi errea prestatzeko labea eta lurrunezko sukaldea sartzea harategi eta arrandegietako salmahaietan. Horren bidez, kontsumo osasuntsuaren balioak indartzen dira, produktu fresko, osasungarri eta “errazen” kontsumoa lehenetsiz, elikagai prozesatuak dituzten beste sukalde azkar batzuen aldean.