Uvescok Adegik ematen duen Garapen Jasangarriko enpresaren saria jaso du, pertsonak eta ingurunea zaintzearekin duen konpromisoagatik Donostiako Fabrikan egin zen ekitaldia maiatzaren 30ean, Enpresaren Egunaren barruan, Iñigo Urkullu jarduneko Lehendakaria eta Gipuzkoako enpresa munduko eta erakundeetako ordezkari ugari bertan zirela.
Uvescoren izenean, Miren Sotomayor Finantza-zuzendaria eta Amaia Ortiz de Elguea Jasangarritasun arloko arduraduna egon ziren, eta aitortza hau eskertu zuten saria jasotzerakoan. Miren Sotomayorrek zera adierazi zuen: “Uvescoren helburua da gure ingurunean ongizatea elikatzea. Elikatzea ez baita elikatze hutsa. Izan daiteke gure hornitzaileekin dugun harremana sendotzea, tokiko ekoizleari laguntza edo babesa ematea edo gure pertsonak zaintzea. Gure dendak ditugun auzoak, gure deskontuekin lagun egiten diegun kolektiboak eta bezeroak zaintzea, horrelaxe ulertzen dugu gure ingurunea”.
Sari hau baino lehen, beste batzuk ere jaso ditu berriki taldeak; hala nola, Espainiako lehenengo banaketa-enpresa izan da Uvescoren jasangarritasun-estrategia ziurtatzen duen AENOR-en 100% Zirkularra ziurtagiria lortzen. Horri gehitu behar zaio Espainiako lehenengo enpresetako bat izan dela AECOC erakundearen Lean & Green hiru izarrak lortzen ere, karbono-aztarna murriztu izanagatik eta kontsumitutako energia elektrikoaren % 100 iturri berriztagarriak erabilita kontsumitzeagatik, eta Zero Hondakin ziurtagiria, Irungo plataformetan hondakinak sailkatzeko eta birziklatzeko kudeaketagatik.
