Artean pandemiak markatutako urtea izanik, 2021aren bukaeran, Uvescok aurreikuspen guztiak gainditu eta 936 milioi euroko fakturazioa lortu zuen. Hedapen-planari dagokionez, guztira 19 establezimendu ireki zituen: obra berriko 7 supermerkatu (5 Madrilgo Autonomia Erkidegoan, bat Logroñon eta beste bat Castro Urdialesen) gehi Condis kateari Madrilen erositako 12 dendak. Horrez gain, 15 supermerkaturen ezinbesteko eraberritzea egin du Euskadiko eta Nafarroako hainbat herritan BM ereduari eutsi ahal izateko. Azken urte horretan ere 7 frankizia berri jarri dira martxan. Hori guztia gauzatu ahal izateko, 65 milioi euroko inbertsioa egin du.

Enpleguaren sorkuntzari dagokionez, taldeak 5.927 profesional zituen urtearen amaieran hedapen-plan horren ondorioz, lehen baino 263 lanpostu gehiago alegia, eta horrenbestez, enpleguaren sorkuntzaren erreferenta izaten jarraitzen du bere ingurunean.

Era berean, tokiko hornitzaileen aldeko konpromisoa sendotu izana ohiko hornitzaileekiko lankidetzan eta sostenguan islatu da, hauen produktuak erakusmahaietan ikusgai jarriz eta erreferentzia berriak gehituz. Horrela, 2021ean, 240 milioi euroko inbertsioa egin da erosketa arloan tokiko 400dik gora hornitzaileren mesedetan, inbertsioa bere horretan mantenduz 2020ko kopuruekin alderatuta. Horretarako, hiru jarduera-ildo jorratu dira: produktuaren garapena lehen sektoreko ohiko hornitzaileekin batera, aliantza berriak eta erosteko azaleraren handitzea, irekiera berriei esker.