Uvescok bat egin du Oilaskoaren Europar Konpromisoarekin (ECC European Chicken Commitment) animalien ongizatearen estandarretan hobekuntzak bultzatze aldera bere oilasko-produktuetarako (% 100ean oilasko freskoan, izoztuan eta "De aquí/Bertako" produktuetan beti ere % 50a oilaskoa izanik) 2026 urtea helburu izanik. 19 herrialdetako 36 erakundek sustatutako ituna da.
Horrela, Europar Batasuneko gaur eguneko legeak eta araudiak betetzeaz gain, konpromiso horrek ekoizpenean zenbait kalitate-eskakizun betetzea ezartzen du, hala nola gehienezko biltegiratze-dentsitatea ezartzea, mantso hazten diren espezieak hautatzea eta ingurumena hobetzearekin zerikusia duten beste jarduketa batzuk, argiztapen naturala eta airearen kalitatea, besteak beste.
Era horretan, taldeak beste urrats bat egin du animalien ongizatearekin duen erantzukizunean. Beste konpromiso batzuk ere hartuak ditu dagoeneko, esaterako, 2025. urterako, merkaturatzen dituen arrautza guztiak zein taldeak berak prestatzen dituen jakietan erabiltzen diren arrautza guztiak kaioletatik aske dauden oiloenak izateko erronka lortzea.
Halaber, Uvesco taldeak Welfair ziurtagiria du “Bertako/Deaqui” eta “Selecta” hegaztietan, animaliak baldintza onetan eta sufrimendurik gabe daudela ziurtatu, eta animaliek elikadura ona eta bizitoki egokia dutela, osasun-egoera onean daudela eta espeziearen ezaugarriei dagokien jokabidea duela bermatzen duena. Ziurtagiri hori “Bertako Untxia” eta “Selecta” Duroc txerri ontziratuari aplikatzeko prozesuan dago.