Banaketa Handirako urte historiko baten ondoren, Uvesco Taldeak bere 2020 erantzukizun-txostena aurkezten du gizarteari eta interesa duten taldeei helarazteko gizarte, ekonomia eta ingurumen arloekiko bere konpromisoak. Erantzukizun alorreko gertakari nagusienen artean aurkitzen da martxoa eta apirila hilabetetako konfinamenduan zehar herritarren beharrei aurre egiteko plantillaren errefortzua, adinekoentzako telefono zerbitzua abian jartzea, elikagaien bankuetarako eta kolektibo babesgabeentzako ezohiko ekarpenak eta familientzako erosketetako laguntzak eta deskontu bereziak.

Baina horrez gain, 2020an urrats garrantzitsuak eman dira ingurunearekiko eta jasangarritasunarekiko konpromisoan, hain zuzen Uvesco Taldearen motorretako bat, zeinek bere hazkunde eta kalitate proiektua sendotzen duen. ONU-ren Garapen Jasangarrirako Helburuen konplimendurantz aurrera doazen beste jarduketen artean, supermerkatu guztietan erabilera bakarreko plastiko poltsa guztiak ezabatu ziren, material birziklatuekin eginiko poltsa jasangarriagoengatik ordezteko, eta freskoen eta zerbitzu libreko sekziotako plastikoa eta poliestirenoa poltsa biodegradagarri eta konpostagarriengatik eta kartoi azpilengatik ordeztu ziren. Halaber abian jarri da tiket digitala BM Supermerkatuen app-aren bidez, horrela paperaren kontsumoa murrizteko, eta Iberdrolarekin lortutako hitzarmenari esker, Uvesco lehenengo banaketa enpresa bihurtu da % 100 iturri berriztagarrietatik datorren elektrizitate kontsumoari dagokionez.