Mozkin-marjinak doitzean eta promozio-esfortzuak handitzean oinarritutako estrategiarekin, 2022. urte zail bati aurre egin dio Uvesco Taldeak, eta % 5,3ko hazkuntzarekin itxi zuen ekitaldia, azkeneko urteetako hazkuntzaren ildoan, 986 euroko BEZaren salmenta garbiak lortuta. Produktu-sortaren eta zerbitzuaren kalitatean eta tokiko produktu freskoaren aldeko apustuan oinarritzen den Taldearen ereduari esker, gainera, Madrilgo Erkidegoko banaketaren 10 enpresa onenen artean sartu da Taldea, erkidego horretan ezarri eta 5 urtera, Nielsen aholkularitza-enpresaren datuen arabera.

Hedapen-planari dagokionez, 7 establezimendu propio ireki zituen Taldeak 2022an: lau Madrilgo Erkidegoan (Pozuelo, Galapagar, Madril erdigunea eta Valdebebas); eta beste hiru iparraldean: Irunen, Sopelan eta Torrelavegan. Nabarmentzekoa da goitik behera eraberritu dituela Uvescok Euskadi, Kantabria eta Madrilgo hainbat udalerritako hamar supermerkatu, eta Bizkaia eta Arabako bost frankizia gehitu zaizkiela denda propioei. Aldi berean, lau BM frankizia berri ireki ditu Gipuzkoan, Nafarroan (2) eta Madrilen (hango lehenengoa).

Plan hori guztia gauzatu ahal izateko, 36 milioi euroko inbertsioa egin da. BM Supermerkatuak eta Super Amara kontuan hartuta, Taldeak Euskadin, Kantabrian, Nafarroan, Errioxan, Madrilen eta Avilan 264 supermerkatu propiorekin, 19 BM Shop frankiziarekin eta e-commerce plataformarekin amaitu zuen 2022ko ekitaldia; plataforma horrek % 16ko igoera izan du salmentetan.