Uvesco Taldeak bat egiten du azaroaren 16tik 23ra egingo den Hondakinen Prebentziorako Europako Astearekin (EWWR), 0 Hondakin helburuarekin dugun konpromisoaren eta gure dendetan hondakinak prebenitzeko eta produktuak aprobetxatzeko dugun planaren bitartez.
Gure helburua da elikagaien xahuketa % 15 murriztea, hainbat ekimenen bitartez, hala nola: % 40 arteko deskontuak dendetan, iraungitzear dauden produktuetan; produktuak dendetatik zuzenean elkarte solidarioei eta tokian tokiko elkarteei ematea, Oreka eta Phenix erakundeen bitartez; Too Good To Go TGTG aplikazioarekin jarraitzea, azkeneko bi urteotan 250 tona janari baino gehiago galtzea saihestu baitugu aplikazio horri esker; eta Elikagaien Bankuekin produktuak emateko ditugun hitzarmenekin jarraitzea, azkeneko urtebetean 566 tonatara iritsi garela kontuan hartuta.
Ekimen horiek inpaktu hirukoitza dute gure inguruneko ongizatean; ekonomikoa, aurrezteko ekimenak bultzatuz; soziala, kolektibo behartsuekin kolaboratuz; eta ingurumenarekiko inpaktua, karbono-aztarna murriztuz.
