Uvesco Taldeak berriro eskuratu du AENOR erakundearen Zero Hondakin ziurtagiria, lehen aldiz 2021ean lortu zuena Irungo logistika-plantetan.2022ko maiatzean egin zioten jarraipen-ikuskaritza, eta egiaztatu zuten bere horretan jarraitzen duela ziurtagiria lortzeko aukera eman zion kudeaketa-sistemak, eta % 90etik gorakoa izaten jarraitzen duela birziklatze-tasak.Urte horretan, hain zuzen ere, % 95,74ko birziklatze-tasa duela egiaztatu da.
Prebentzioan oinarritzen da hondakinak kudeatzeko Uvesco Taldearen sistema, iraungitzeen kudeaketaren bitartez eta aprobetxa daitezkeen produktuak Elikagai Bankuei emanez; era horretan, kolektibo behartsuenei ere laguntzen zaie.Nahitaez sortzen diren hondakin guztiak bereizi egiten dira, birziklatzera bidaltzeko.Ikuskaritzan, hondakin horiek behar bezala bereizten direla egiaztatzeaz gain, trazabilitate osoa aztertzen da, hondakinok haien amaierako tratamendura iritsi arte behar bezala kudeatzen direla ziurtatzeko.
Azkeneko berrespen horrekin, balioa ematen zaio Hondakinak Kudeatzeko gure sistemari, eta gure taldeko sail ezberdinek hondakinen eta jasangarritasunaren arloan egiten duten ahalegina eta lana aintzatesten dira.