Haurren oinarrizko beharrak ordaintzera bideratuko dira laguntzak
Uvesco Taldeak diru-dohainen kanpaina bat jarri du abian bere establezimendu guztietan, Ukrainako gerran dauden laguntza humanitarioko beharrei aurre egiteko. Unicef Gobernuz Kanpoko Erakundearen bitartez ari da gauzatzen ekintza hori. Uvescok aspalditik kolaboratzen du erakunde horrekin. Biltzen den diru guztia Ukrainako haurren beharrak asetzera bideratuko da: edateko ura, oinarrizko elikagaiak, botikak eta laguntza soziala.
Hainbat ekintza eta kolaboratzeko aukera baloratu ondoren, martxoaren 9an jarri zen abian kanpaina, eta indarrean jarraitzen du oraindik. Uvesco Taldeak garatzen dituen erantzukizun- eta elkartasun-ekintzen barruan sartzen da ekimen hau.
Uvesco Taldeak 258 establezimendu propio ditu –BM Supermerkatuak eta SUPER AMARA supermerkatuak–, e-commerce plataforma eta lau gune logistiko Gipuzkoan eta Kantabrian; horrez gain, 20 BM Shop supermerkatu ere baditu, taldearen frankizia-ereduaren barruan.
Kantabrian, Euskadin, Nafarroan, Errioxan, Asturiasen, Madrilen eta Avilan du presentzia, eta 6.000 laguni ematen die lana; horrela, zona horietan erreferente da aberastasuna, balioa eta enplegua sortzen.