Gabonetako egun hauetan, ezinbesteko platera da bildotsa gure mahaietan; horregatik, BM Supermerkatuak eta LARSABI elkartea batu gara, Euskadin bertako bildotsa kontsumitzearen alde egiteko. Horretarako, hitzarmena sinatu dugu, Gabonetako kanpainan, elkarteko kide diren 32 abeltzainen bildots-haragiaren % 80 Euskadin kontsumi dadila lortzeko helburuz.

LARSABI latxa arrazako bildotsen zainketa eta merkaturatzea defendatzen eta zabaltzen duen erakundea da, eta elkarte horren bildotsen % 90 autonomia erkidegotik kanpo saltzen da. Hitzarmen horren bitartez, “gure konpromisoa da eskura ditugun bitarteko guztiak jartzea, ekoizpen ia osoa, % 80 inguru, hemen kontsumi dadin”, azaldu du Ion Uranga BM Supermerkatuetako Tokiko Ekoizpenaren Garapenerako buruak. Helburua da euskal ekoizleak babestea eta, horrekin, ahaleginak bateratzea, lehen sektorearen eta tokiko ekonomiaren onurarako.

LARSABIko lehendakari Mariano Imazek, berriz, adierazi du hitzarmen honek “elkartearen helburua indartzen” duela. “Latxa arrazako bildotsa ama-esnez bakarrik elikatzen dute gure artzainek, eta gure nahia da batez ere bertako kontsumitzaileek erostea; gure artzainen kalitate goreneko latxa bildotsak kontsumitzera animatzen ditugu erosleak".