Sei enpresa saritu dituzte Landagune, Arrantza eta Elikadura Sailburutzak sustatutako Kantabriako Elikagaien Sariketan; BM Supermerkatuek sariketa horretan kolaboratu dute. Kantabriako Elikagaien Sariketaren lehenengo edizio honetan, nekazaritzako elikagaien sektoreko enpresak eta profesionalak saritu dira, baita haien produktu eta lanaren bikaintasuna ere, sektorea babesteko eta ikusgarritasuna emateko helburuz.
Cafe Dromedario, Picasuelos de Cantabria, Grupo Consorcio, Chencho Gomez, Laboratorios Arroyo eta Jesus Sanchez sukaldaria izan dira sarituak, atzo, osteguna, ekainak 16, Torrelavegako ‘La Lechera' erakustazokan egindako ekitaldian.
53 hautagai aurkeztu ziren Kantabriako Elikagaien Sariketaren lehenengo edizio honetan, sei kategoriatan; horrek erakusten du dinamikoa eta etorkizun handikoa dela nekazaritzako elikagaien sektorea Kantabrian.
Miguel Angel Revilla Kantabriako presidentea izan da saritu bakoitzari bere saria emateaz arduratu dena, eta aukera hori aprobetxatu du bere erkidegoko nekazaritzako elikagaien sektorearen kalitatea baloratzeko eta sektore horretako “profesional bikainak” goraipatzeko. Bere esanetan, “etorkizun handiko” sektorea da.
BM Supermerkatuentzako ohore handia da nekazaritzako elikagaien sektoreari balioa ematen dioten sariketa horretako epaimahaikide izatea, eta dagoeneko hurrengo ediziorako gogotsu gaude.