BM Supermerkatuek Espainiako IWC Merchant Awards saria jaso dute merkataritza-gune handien sektoreko Ardo aukera Onenaren kategorian. Sarion zazpigarren edizioa jokatu da aurten, eta ardoa jendearengana hurbiltzen duen bidea lantzen duten profesional nazionalak saritzen dituzte urtero.

BM Supermerkatuen kasuan, ardandegi sekzioaren espezializazioa eta aukera zabala saritu da; arlo horretan ere bere ereduari jarraitzen dio gure kateak, kalitatea eta bezeroaren aukera-gaitasuna bultzatzea lehenetsiz. Horrela, BMren ardandegi sekzioa banaketaren sektoreko osoenetakoa eta ondoen aurkeztutakoetako bat da.

Izan ere, BM Supermerkatuek kalitatearen eta aukera zabalaren alde egiten duen apustuari esker, 500 ardo, cava eta txanpain erreferentzia ezberdinez osatutako ardo-sekzioa du, prestigio handiko markak eta jatorri-deiturako ardo ugari barne. Konpromiso hori supermerkatuetako langileen profesionalizazioarekin indartzen da; langileek ardo eta edarien munduari buruzko berariazko trebakuntza jasotzen dute, bezeroei arreta eta zerbitzu hobea eman ahal izateko.

Madrilgo The Westin Palace hotelean egin zen ardoaren sektorea bultzatzeko helburua duten sarion banaketa ekitaldia astelehenean, hilak 28, eta ardoaren garapenean eta merkaturatzean esku hartzen duten hainbat banaketa-enpresetako eta industrietako ordezkariek hartu zuten parte.