Supermerkatu formatu berria estreinatuko dugu, Donostiako autobus geltokiko BM Rapid berriaren irekierarekin. Erosketa azkarra egin nahi duten bezeroei egokitutako supermerkatua da, ordutegi zabalarekin eta take away erako produktu-aukerarekin. Autobus geltokiko erabiltzaileei eta bidaiariei zuzendutako espazioa da BM berri hau, baita inguruko bizilagunei ere; 350 metro koadroko azalera du, eta 7.500 produktu-erreferentzia.
Astelehenetik larunbatera, 09:00etatik 22:00etara egongo da zabalik, eta igande eta jaiegunetan, berriz, 09:00etatik 20:00etara, ohikoa baino ordutegi zabalagoarekin. Ontziratutako eta eramateko prestatutako produktuak eskainiko zaizkie bezeroei, frutategikoak, harategikoak zein urdaitegikoak, Selecta eta Bertako bere zigiluek bermatutako BMren bertako produktu freskoen kalitate-jarraibideak betetzen dituztenak. Horrez gain, okindegia, ardandegia, lurrindegia eta parafarmazia izango ditu, eta pasadizo lekuetan bestelako zerbitzuak ere bai, hala nola zuku- eta kafe-makinak. Zerbitzu osagarriak ere izango ditu: WIFI doan lokal osoan, erosketak etxera eramateko zerbitzua eta bezeroentzako doako aparkalekua.